Skip to main content
Winter Olympic

සමාරම්භක උත්සවයේදී උතුරු සහ දකුණු කොරියානු ක්‍රීඩික ක්‍රීඩිකාවෝ එක්ව ආචාර පෙළපාලියේ යෙදුණු අතර දකුණු කොරියානු ජනාධිපතිවරයා උතුරු කොරියානු නායක කිම් ජොන් උන්ගේ සහෝදරියට අතට අත දී සුබ පැතුම් එක් කිරීම මෙහිදි වඩාත්ම වැදගත් සිදුවීම විය. ඔවුන් දෙදෙනා අතට අතට දීම ඓතිහාසික සිදුවීමක් යැයි විදෙස් මාධ්‍ය වාර්තා කළ අතර ඔවුන් දෙදෙනා අතට අත දෙන ඡායාරූපය මේ වනවිටත් ලෝක මාධ්‍යයේ සහ සමාජ මාධ්‍යවල ප්‍රසිද්ධියට පත්ව තිබේ. 
 
සුදු පැහැති පසුබිමක කොරියානු අර්ධද්වීපය නිරූපණය වන, උතුරු හා දකුණු කොරියාව නියෝජනය කරන දෙරටේ ඒකාබද්ධ ධජය යටතේ දෙරටේ ක්‍රීඩකයන් එක්ව ආචාර පෙළපාලියේ යෙදුණු අතර එය ක්‍රීඩාංගනයේ රැස්ව සිටි ප්‍රේක්ෂක ජනතාව අසුන්වලින් නැගී සිටීමට ද හේතුවක් ද විය. 
 
එම අවස්ථාවේදී දකුණු කොරියානු ජනාධිපති මූන් ජායි ඉන් උතුරු කොරියාවේ බලසම්පන්න නායක කිම් ජොන් උන්ගේ සොහොයුරිය වන කිම් යෝ ජොන්ග්ට අතට අත දුන්නේය. ඔවුන් දෙදෙනාම සිනා මුසු මුහුණින් පසුවූහ. 
මාස ගණනක තර්ජන ගර්ජන, අර්බුද සහ මතභේදවලින් පසුව දෙරට අතර සුහදතාව වර්ධනය වෙමින් තිබේ. 
 
කොරියානු යුද්ධයෙන් පසු දකුණු කොරියාවේ සංචාරයක නිරත වන උතුරු කොරියානු පාලන වංශයේ පළමු සාමාජිකයා කිම් යෝ ජොන්ග්ය. උතුරු කොරියාව සහ දකුණු කොරියාව 2006 වසරේ ටියුරින් හි පැවති ශීත ඍත ඔලිම්පික් උලළේදී එක්ව ආචාර පෙළපාලියේ ගමන් කළහ. එමෙන්ම උතුරු කොරියාව හා දකණු කොරියාව 2000 වසරේ සිඞ්නිහිදීත් 2004 වසරේ ඇතැන්ස්හිදීත් පැවැති ඔලිම්පික් උලෙළුවලදී සංකේතාත්මක අභිනයක් නිරූපණය කළේය. 
 
 
 

Standard (Image)